کاروان باعەدری: ئێزدی قوربانیێن سەرەکیێن ململانێن سیاسینە ل شنگالێ
ئێزدی نیوز- قائد شنگالی
میدیاکارەکی ئیزدی ددەتە خویاکرن، ژ بۆ کو شنگال نەبیتە گۆرەپانا ململانێن سیاسی و ژ جڤاکا ناڤنەتەوەی دخوازین ئیدی دەستوێردانێن دەرەکی ژ شنگالێ دەرخن.
دەمەکە ل شنگالێ ب ئەگەرێ هەبوونا بارەگایێن یەبەشێ بالەفرێن تورکیا تۆپبارانا شنگالێ دکەن، هەتا نها چەندین قوربانی ژی هەبووینە.
کاروان باعەدری، د داخویانییەکێ دا بۆ (ئێزدی نیوز) دیارکر، ئێزیان تاقەتا شەر و کوشتن و کۆشتاریان نینە هەر ژبەر ڤێ یەکێ ڤان ململانێ و شەڕێن دناڤبەرا ڤان ئالیان دا ل شنگالێ بووە جهێ ترس و دلڕاوەکیێ.
ناڤبری خویاکر، خوینا زارۆکێن ئێزدی ژ هەموو تشتەکی بەهاترە و داخوازی ژ سەرکردایەتیا سیاسی کوردستانی و ئیراقی دکەین ئیدی چارەیەکی ل شنگالێ بکەن، چونکی شنگال دخراپترین رەوشدا دەرباز دبیت، پێدڤیە هەموو ئالی تایبەتمەندیا ئێزدیان ل بەر چاڤبگرن، و نەهێلین ئیزدی ببنە قوربانیێن بەرژەوەندیێن سیاسی، هەرچەندە شنگال ژ ئالیێ حکومەتا عیراقێ ڤە هاتیە پشتگوهــ هاڤێتن.
