(((فەلسەفا چەژنا خدرلیاس ل ئاینێ ئێزدیان دا )))
حەیدەر عەرەبۆ یوسڤانی
ئەڤ چەژنا دکەڤێتە پێنچ شەمبا ئێکێ ژ هەیڤا سباتا رۆژهەلاتێ ؛ و بەری چەژنێ سێ رۆژا دگرن و رۆژا جارێ چەژنا،
.بتريا وان ناڤێن ل وان دئێنە دانان خدر يان ئلياس و بتريا ڤان كەسا ھەر سێ رۆژا ب رۆژى دبن ،وەكى يە ديار ئەڤ جەژنا خدر وئلياس پەيوەندى ب وەرزێ چاندنێ ڤە ھەيە ئانکو چەژنا خدرالیاس سنورەکە دناڤبەرا سەرما و گەرمێ دا ھەیە ، چاندن خلاس دبت وتۆڤێ چاندنێ ھەموو دئێتە رەشاندن و بەلاڤكرن ل دەشتێ دبێژن( خدر ئلياس و ساڵ خلاس)، يانكو چاندن خلاس بو ،ئەڤجار ل ھيڤيا بەرھەمێ چاندنا خۆ د مينن ڤان رۆژیان و جەژنێ د گێرن ،دیسا ھندەل وەسا ژی دبێژن کو سڕ و سەقایێ ئەڤ سال خلاس بو و سڕ نەما ئەڤێ گوتنێ د بێژن ھەر بوزانین بتريا ڤان جەژن و ھەلكەفتێن مە ئێزديان گرێدايى سروشتى و وەرزێن سالێ نە وەكى ل ڕێورەسمێن ڤێ جەژنێ دا دئێنە گێران ،ھەر وەسا ب جەژنا مرازا ژى دئێتە ناسين دباوەريا مە ئێزديان دا خدر و ئلياس ھەر سێ رۆژا ل ئاسمانى دئێنە سەر ئەردى د گەرێن و سەد خۆزيا وێ دەڤەرا خدر و ئلياس تێرا دەرباس بن و ھەر كەسێ لێ ڕاست بن يان بێنە مالا وان دێ ب مرازا خۆ شادبت.
– هەر مالەکێ دێ هندەک گەنم و جەهی بێکڤە قەلینن و دێ هێڕن ودێ بێتە (پێخون ـ سفیک ) ل هێڤارا چەژنێ کاڤانی یە مالێ وێ پێخوینێ ل سێنیکێ کەت و دەینێ جھەکی پاقژ ؛ ل وێ بەوەرینا خدر الیاس دێ سەرا وان دا ؛هەکە سپێدێ رابوون و لێ نێرین چهێ دەستەکی تێ دا هەیە دێ پێژن خدر الیاس هاتە مالە ما و دێ کەیف خوەش بەن و دێ بەرەکەت کەفێتە وێ مالێ .
ل هێڤارا چەژنێ دێ کەنچ و قیز لێ کوۆمبەن و دێ هندەک سەۆکا چێکەن دپێژن سەۆکێ خدر الیاس ؛ رێژا 70% خوێ یە و دێ خۆن بێ گۆ ئاڤێ فەخۆن ؛ و هەچێ ل خەونا خوەدا دیت ئاڤێ ل مالەکێ ڤەخۆت دێ کەچکەک ژێ وێ مالێ بێتە ڕزقێ وی ، و بەروڤەژی .
ل رۆژێن خدر الیاس مرۆڤێ ئێزدی خۆ نا شۆن ژ بەر دپێژن دەمێ خلمەتێ یە ، نە دەمێ کەیف و خوەشی یە ، و هەر وەها دبێژن هەچێ خۆ شوشت ل ڤان رۆژان دا دێ گەر بێت .
دیسان ل رۆژێن خدر الیاس خێزانێن ئێزدی مالێن خۆ نا مالن ژ بەر دبێژن بەرەکەتا خدرالیاس ل وێ مالێ نامینێت .
و ل سپەھا چەژنێ دێ کاڤانی یە مالێ دێ هندەک برچێ ژسەرێ زاڕۆکێن خۆ بڕێت ژ بەر ل وێ بەوەری نە دێ ئیش و ژان ل سێری نامینێت و دا قەلەو ببەن ؛ هەر وەها دبێژن خۆ خدرالیاس کر .
چێ نابت مرۆڤێ ئێزدی ژ مالە خۆ دەڕگەڤێت ل رۆژ و چەژنا خدر الیاس چونکی خدر الیاس ب خۆ دگاڕێت و گۆتنەکا مەزنا دبێژێ (خدرالیاس و خدر نەبی ژ مالە خۆ غافل نەبی یا کفن تە ل بن جەنکێ تە بی ) .
و ل سپێدا چەژنێ دێ کاڤانی یە مالێ دێ ڕابت گوهێ زارۆکێ بچوک قۆل کەت ،تە نە ئیشن .
و قوربانی ناهێتە دان ژ بەر کو ل چەم گیانەوەران وەرزێ ب گیانبوون و زێدەبوونێ یە .
هەر وەسا ب هەر ڕەنگەکی نێچیر قەدەغەیە ، ژبەر خدر الیاس ب خۆ نێچیرڤانە .
و ل ڤێ چەژنێ سمات تێ چێکرن ئانکو گوتایی ، خوارنەکە تایبەتە و ب پیرۆز تێ ھژمارتن .
و چۆدیار ل ڤێ چەژنێ هندەک بێخۆن دبنە د ناڤ زەڤی و بستانێ خۆ دا، دە بەرەکاتە خدر الیاس بکەڤێ ناڤ دا و بەرەھمێ وی زێدەبێت .
