ئەگەر ئەم بەرێ خوە بدەنێ بەری ٢٠١٤/٨/٣ ژیانا خەلکێ شنگال یا سادەبوو پتریا ژیانا خەلکێ یا گریدایی بوو ب کەرتێ چاندنێ وشوڵێ ڕۆژانە ٫ ئانکۆ هەر وەکو نۆکە خەلک یێ برسی و رەزیڵ و بێ کاربوو ، ئەڤەژی ڤەدگرێت بۆ ئەوان بەرپرس و ڕێڤەبەرێ نەزان و کارنەکرنا وان ژبۆ بەرژەوەندیێن خەلکێ ب گشتی ، ئانکۆ تنێ ژبۆ بەرژەوەندیێن خوەیێن تایبەت کاردکەن ئەڤە ژ لایەکیڤە ، هەروەسا ژ لایەکی دیڤە نەهشیاریە خەلکێ مە ئەگەر بەرێ خوە بدەنێ ئەڤە جەند جارا هەلبژارتن دهێنە کرن بۆچی هەر ئەم ئەوان کەسێن بەری نۆکە چ بۆ مە نەکرین ئەوان کەسێن نەزان و نەشیان ئەم هەلدبژیرن و دکەنە ڕێڤەبەر و بەرپرس و سەروەرێن خوە ، ئانکۆ ٢٠٢١/١٠/١٠ ئەگەر مە شیابا ببنە ئێک دەست مە دکاری ئەوان کەسان هەلبژێرن یێن زانا و خودان شیان ئەوان کەسین سەربەخوە ب سەر هیچ لایەنەکیڤە نەین داکو گۆڕانکاڕیەکە ب تەمامی ئێخستبانە دناڤ ئێزدیان و شنگال دا .ئێزدی کەفتینە بن کارتێکرنا لایەنێن سیاسی و بەلاڤبوونا ئێزدیان ب سەر حزبانڤە، ژلایەکی دیڤە ئەم دشێن بێژن،ئێزدی نەد ئێکگرتینە،بەردەوام دژیەتیا ئێکو ودوو دکەن،ئێزدی ب دروستی هیشتا هوشیار نەبووینە، هندەک کەسانێن ئێزدی سیاستێ دکەن ،بەلێ نەدشەهرەزاینە دسیاستێدا شکەستنێ دهێنن،هندەک لسەر تۆرێن جڤاکی پشتەڤانییا وان دکەن، لێ دڕۆژێن سەخەت و دشوار بێ دەنگن ،بۆ نموونە هندەک رەخنێ گەلەک سیاستمەدارا دگرن، لێ درۆژەکا وەکو دەنگدانێ وان هەلدبژێن
زالبوونا دەستهەلاتە پارتێن سیاسی لسەر ئێزدیا، دەستواردانا وان د کار وبارێن ئێزدیا هەتا پوستێن ئاینی دناڤ ئێزدیا کارتێکرنا حزبا لسەر هەبوو، ئانکۆ حزبا کار وبارێن ئاینی ئێزدیا ژی کارتێکرن لسەر هەیە، هەتا کەتنا ناکۆکیا دناڤبەرا ئێزدیان ژی لسەر پوستێن ئاینی و دڤێ قوناغا سەختە ئێزدی تێرا دەرباز دبن، ژ لایەکی دیڤە ئاوارا بوونا ئێزدیا ژ بۆ دەرڤەی وەلات ، باوەریا ئێزدیا نەما جارەکا دی حکومەت ل عێراقێ دا ئێزدیا بپارێزێت،ماوەیێ هەفت سالایە ژ پشتی وێ جینوسایدا مەزن بسەرێ ئێزدیاندا هاتی ، هیچ تشتەک بۆ ئێزدیان نەهاتیەکرن، ئانکۆ ئێزدی ئێدی خوە نابینن پێکهات ژ عێراقێ.