مراد حسو – ئێزیدی نیوز
ئەو کەسێ گوهێن وی هاتینە ژێڤەکرن
کەسەکی ئێزدی ب ناڤێ “ وژدی زێدان عەلی “ ژ هۆزا قیرانیا یە ، خەلکێ کۆمەلگەها سیباشێخدرێ یە نوهە ئاوارەیە ل کەمپا شاریا ، کو ژیێ وی 19 سالن قوتابیێ پۆلا شەشێ زانستی یە ل قوتابخانە عەرەبی ، کو ل رۆژا چارشەمێ دەمژمێر ل دەردۆرێن 12 شەڤێ بوو ژ کۆمەلگەها شاریا بەرەڤ ناڤ کەمپێ دهات کو توشی روودانەکە نە مرۆڤانە و نە چاڤەرێکری بوو ئەوژی ژ لایێ سێ كەسان ڤە کو ل رەخا کەمپێ لێدان و پاشی هەردوو گوهێن وی ژێڤەکرن ، وەکو مە ژ بابێ وژدی پرسی چ ئەگەر بوو وەکی هوون زانن ؟ و وە چ داخوازی هەنە ؟ ژ کەنالێ مەرە دا خوەیاکرن و گۆت :-
هەتا نوهە ئەم نزانن ئەگەر چنە ژبەر ئەم نزانن کێ ئەڤ تاوانە کرییە و مە چ پڕسگرێک دگەل کەسی نینە و مە هیچ تەعدایەک ب کەسەکی نەکرییە ، ئانکو مە چ دوژمناتی دگەل کەسی نینە ، لێ ئەو کەسێن ئەڤ چەندا کرین ئەوان دوژمناتی دگەل مە کرییە ، هەروەسا بابێ وژدی گۆت :-
پشتی ڤێ تاوانا نە مرۆڤانە ترسەکە مەزن کەفتیە دلێ هەمی خەلکێ کەمپێ دا کو هەتا هندەک خەلک ل ناڤ کەمپێ دا زێرەڤانیا خوە دکەن ؛ دیسان گۆت :-
ئەم داخوازیێ ژ حکومەتا هەرێما کوردستانێ و جەنابێ پارێزگارێ دهۆکێ دکەن کو سەر ئێشانێ ل ڤی بابەتی بکەن و ب زووترین دەم ئەوان تاوانباران دیار بکەن و دەستەسەر بکەن و ل دیڤ یاسایێ سزا بدەن و مافێ مە ژ ڤان تاوانباران چێکەن .
