گۆتار نڤیس : مراد حسو : ايزيدي نيوز
31-5 رۆژا دەست ژ بەردانا جغارێ یە وەکە رۆژەکە عالەمی هاتیە دانان کە مرۆڤ دەست ژ ڤەخوارنا جغارێ و تووتن کێشانێ بەردەت ، هەموو ئەو کەسێن جغارێ دکێشن ئەو بخوە زانن گەلەکە خەرابا ژ ساخلەمیا وان رە ، هەروسا ژ ئالیێ مادی ڤە زەرەرە خوە هەیە ؛ لدۆر ئامارێ رێکخراوا ساخلەمیا جیهانی ل سالەکێ دا پتر ژ 8 مەلیون کەسا ژسەبەبا کێشانا جغارێ دمرن .
ئەو کینە جغارێ دکێشن ؟ و چما دکێشن ؟ نەساخیێن جغارە کێشانێ چنە ؟ دێ چاوا دەست ژ کێشانا جغارێ بەردی ؟
بەرسڤا ڤان پرسا و چەند پرسێن دی ل ڤێدەرێ دێ دنە خوەیاکرن .
پتریا وان مرۆڤێن جغارێ یان تووتنێ دکێشن دبێژن ژبەر خەم و دەرد و نەخوەشیێن دنیایێ ئەم دکێشن و ئەم فێر دبم و ئەم نکارن دەستا ژێ بەدەن ، دیسان هنەک ل عەمرێ سنێلەیی ( مراحق ) یێ دا ژبەر جوانیێ دکێشن و فێر دبن ، لێ دڕاستی دا چ جوانی ژ کێشانا جغارێ را نینە .
ڤەخوارنا جغارێ دبیە سەبەبە گەلەک نەخوەشیا ب تایبەتی سەرتانێ ژوان ژی سەرەتانا (گوڕچکا -میلاکێ – معیدێ – دەڤ – پەنکریاس – سینگی … ) ؛ دیسا ئەو کەسێن “رەبۆ” هەبێ حالێ وی پیستر دبێ ، هەوسا دبیە سەبەبا جەلتا مەژی . دیسا ددانان زەر دکەت ژناڤ دبەت
پتریا خەلکێ دبیژن هێلانا جغارێ گەلەک بزەحمەتە ژبەر کێشانا جغارێ ئیدمان ژ وان رە چێکرییە ڤێجا نکارن زوو ب زوو دەست ژێ بەردن ؛ لێ گەلەک مرۆڤێن جغارەکێش زانن کە جغارە هێلان وێ ب سلامەت بن ژ نەساخیا دلی و دیسا ژ جەلتا مەژی و سەرەتانا گوڕچکا و میلاکێ …
لێ هەر کەسی بخوازە لاش و جەستەیێ خوە ژ دخان و رەشی و تەعلیا جغارێ بسترینێ دێ کاربێ هیدا هیدا دەستا ژ کێشانا جغارێ بەردە ، دیسان دڤێت تو پرسیارێ ژخوە بکی چما نکارم دەستا ژ کێشانا جغارێ بەردم ؟ خوەنا ئەز وسای بێ هێزم ؟ لێ کاری بەرسڤا خوە ژی بدەی و بێژی من هێز هەیە دەستا ژ مرنێ رە داناینم دێ چاوا دەستا ژ جغارێ رە دەینم ، ڤێجا بلا تو خودان لاشەکی ساخلەم بی و هەر ژ ئیرۆ دە دەستا ژ کێشانا جغارێ بەردە .
