“ماسی فروشا بەهدینان”

نڤیسین :ئاواز نەهێلی

گلاڤێژ حمزە سلیم کچەکا تەمەن 36 سالی  یە ل باژێرێ زاخو دژیت کارێ ماسی  فروتنێ دکەت و ئێکە ژکچێن شەهیدێ فەرماندە حمزە سلیم تها یە .

     ل دوور کارێ خو دبێژیت ” ئێکەم کچم ل دەڤەرا باهدینان کارێ فروتنا ماسیا دکەم ل باژێرێ زاخو و من ڤیایە ڤی کاری بکەم دا ئێکەمیێ رزگارببم و ببم ئێکەم ژن و کچ ل دەڤەرا بەهدینان ڤی کاری بکەم ” و نوکە خودان جهەکێ تایبەتە ب فروتنا ماسیان ل باژێرکێ زاخو .

    ل دوور تێگەهێ خەلکی و  سەرەدەریا خەلکێ خاتون گەلاڤێژێ گوت ” خەلک هەر ئێک ب رەنگەکی سەرەدەریێ دکت ل گورەی رەوشەنبیری و تێگەهشتنا وان بو ژیانێ بەلێ بەهرا پترا وان ئەف کارە بو وان بویە جهێ شانازیێ زور کەس هەنە تێن ماسیا دکرن دبێژن تو بیرا هێز و بەرخوەدانا ژنا کورد د ئینی بیرا مە ل دەمێ شورەشا مل ب ملێ زەلامێن خوە و پێشمەرگەی خزمەت پێشکێشی وەلاتی دکر “

  

ژ لایەکێ دیڤە  خاتون گلاڤێژێ گوت ” د جاڤێن کێم کەسان ژی دا ب کێماسی دزانن ژبەرکو ئەف کارە ل کور زانینا وان کارێ زەلامایە ژن نابێت بکت ” بەلێ  پێچەوانەیێن کاودانێت ژیانێ و گوتنێن زورینەیا کەسان دڤێت ژن  شورەشەکا هزری ئاڤا بکەت  کو  چ کار نینن تایبەت بن  بو زەلاما یا دیار کربیت  هەر کارەکێ  هێزا  ژنێ  بخازیت  دڤێت ژن ژی هەولان  بدەت و خو  ژ گوت گوتکێن جڤاک رزگاربکەت “

و سەبارت کارێ  ژنێ ژی ” ژ بو وان ژنا و کچان یێن دڤێن کاربکن بەلێ شەرم دکن ئەز دبێژم کارێن حەلال و پاک چ شەرم تێدا و  نینە ب هزرا من شەرم ئەوە ئەم ژن و کچ حەتا نوکە ل نەشیابن ژ بن منەتا خوە رزگار بکن یان ژی شەرمە مروڤ پەنائیێ بو کارێن خڕاب و نە شرعی ببت ب نهێنی ژ پێخەمەت هندێ کو نەشێن ل خوە خودان دەرکەڤن و خوە ژ ئاستەنگێت ژیانێ رزگار بکن ب هێجەتا شەرمێ تشتێ کو من دڤێت بێژم ژی چ پێنگاڤ نینن بو سەرکەفتنێ مروڤ باڤێژت و قوربانیا نەدت هەلبەت ئەز ژی ئێک ژ وانم بەلێ ژبەرکو من ئارمانجێت هەین نابت تشتەک یان ئاستەنگەک یان ژی رێگرەک هەبت من ژ ئارمانجێت من سار و پاشگەز بکت و هەر کەسەک دشێت سەربکەڤت ب مەرجەکی خوراگر و ب هێز بت ل همبەری وان ئاستانگێت دکەڤن بەر سینگێ  وێ ، وی و وێرەکیا مەزن و قارەمانی ئەوە ژن ژ پێنگاڤا ئێکێ نەترست بو سەرکەفتنێ”  ل گوری هزر ژن بژیت بو ژیانەکا خوشتر بێ  جوداهیا رەگەزی  و  ئەو هزرا کەڤن بهێتە نیکرن

پشتی پشکداریکرنا خولەکێ ژ رێکخراوا  “Internews” ل سەر شێوازێ نڤیسینا راپورتا هەستیار جیندەر و توند و تیژیا ژنان وەک ئامادەکاری ئەڤ ستوریە ل دوور پرسا توند و تیژیێ هاتیە نڤیسین

نڤیسین ئاواز نهێلی

By admin

اترك تعليقاً

لن يتم نشر عنوان بريدك الإلكتروني.