رێڤەبەریا ئەوقافا کاروبارێن ئێزدیان:
ئەم دبێژینە مەلا چاڤێ وە ل ئێزدیان بێت
عەدلا لالش:ئێزدی نیوز
رێڤەبەریا ئەوقافا کاروبارێن ئێزدیان دهوکێ خودانە ژرێکخستنا ئولی و کومەلایەتی وگرنگیێ بشینوار و مەزارگەهـ و گورستان و جهێن پیروزێن ئێزدیان ددەتن.
هەرچەندە بیاڤێ کارێ وێ لناڤ و سنورێ پارێزگەها دهوکێ یە. لێ دەستەکێ بالا ل دەڤەرێن ڤەقەتیایی ین کوردستانێ داهەیە. جەعفەر سمو رێڤەبەرێ ئەوقافا دهوکێ دبێژیت: 90% جفاک و جوگرافییا ئێزدییان ژلایێ ئیداری ڤە لبەر مادا 140 بتنێ 10% بەر مایێ کوردستانێ وڤێ رێڤەبەریێ دکەڤیتن. لێ دگەل ڤێ چەندێ و سەرەرایی بارگرانی و قەیرانا هەیی ئەم هاریکارییا وان ژی دکەین.
ژبو نوژەنکرنا جهێن پیروزێن ژناڤ چویێن ئێزدییان هاریکاریێن مەعنەویی و لوجستی وچێکرنا ئاسانکارییا ژلایێ حکومەتێ ڤە. ئیک ژئەرکێن سەرەکیێن ڤێ ریڤەبەریێ بو. سموی ددومدانا گوتنێن خودا گوت: ل
3⑧2014 پشتی ئێزدی کەتین بەر هێرشین داعشێ
نێزیکی 80مەزارگەهێن ئێزدییان ل وان دەڤەرا ژناڤبرن. خوشبەختانە بهاریکارییا خێرخوازێن ئێزدیێن سەرمایەدار شیان گەلەک ژوان نویژەنن ئاڤا بکەین ڤە.
هەڤکاریی و پەیوەندییا ئەوقافا ئێزدییان دگەل یێن ئاینی دێ دکوپیتکا هەڤگەهشتنێ دانە ژبەرکو لژێر رێنما و یاسایێن ئیک حکومەت دا کاردکەن. جەعفەر ڤەدگێریت: ل هەمی هەلکەفت و کێشە و پێتڤی بونەکێ دا ئەم دهاریکارین گەلێک و بابەتێ سەرەکیێ مە و ئاینێن دی دگەهینت ئێک ئەوژی پێکڤە ژیانە.
ژنمونێن ڤێ هەڤکاری و هەڤگەهشتنێ گەر کێشەیەکا کومەلایەتێ ل زاخو هەبیت ئەم دبێژینە مەلا چارەسەرکەن. جارا ئاریشەکا بهەمان شێوە ل شێخان هەبت ئەو دبێژنە مە بەرێکڤەبینن. و بەردەوام ئەم دبێژینە مەلا چاڤێ وە ل ئێزدیان بیت. چونکێ زور دماندی نە و تایبەت یێن شنگالێ چونکی هەر دەهسالا جارەکێ دوێرانبونێ دابویە
دوو ئیدارەیی مەزنترین کێشە و بەربەستا ڤێ رێڤەبەریێ یە. رێڤەبەرێ ئەوقافێ دبێژیت: وەکو شنگالێ کو دناڤبەرا کوردستان و عیراقێ دا بویە قوربانی. حکومەتا عیراقێ خزمەتا وان ناکەت دبێژیتێ هوین کوردن و یاکوردستانێ ژی هاریکاریێ ناکەت دبێژیت ژلایێ ئیداری ڤە هوین نەبسەرمەڤەنە. و سەرەرایی ڤێ پلانا دوکمەیا مە بو داهاتی نوژەنکرن و ئاڤاکرنا مەزارگەهێن مەنە ل شنگالێ
رێڤەبەریا ئەوقافا کاروبارێن ئێزدییان ل دهوکێ لسالا 2008 هاتیە دامەزراندن حەتا نوکە بدەهان مەزارگەه و جهێن پیروزێن ئێزدییان نوژەن و ئاڤاکرینە و ژوان
پیرمەند لباعەدرێ. و ئاڤاهیێ نەسرەدین ل شاریا. و مەزارێ خدر ئلیاس. دگەل چەندیا هولێن مەزن یێن خێر و شەرا
