د رۆژا کوشتنا ئەبو بەکر بغدادی دە کچەکا ئێزدی هاتە رزگارکرن
ئێزیدی نیوز ،باسم قاسم
ژ بەردەوامیا رزگارکرنا رەڤاندیێن ئێزدی ژ وەلاتێ سوریا و پشتی ب داوی هاتنا رێکخراوا تیرۆرستیا داعش و رزگارکرنا رەڤاندیێن ئێزدی ژ دەستێ رێکخراوا ناڤبری، دوهی رێکەفتی 27/10/2019ێ کچەکا ئێزدی کە خەلکا کۆمالگەها تەل قەسەبا ل باشووری چیایێ شنگالێ بناڤێ”رەنا نەواف عباس” یا تەمەن 19سالی هاتە رزگارکرن.
خێزانا وێ کچێ بتایبەت ب ئێزدی نیوز راگەهاند،ل 3تەباخا سالا 2014ێ ب هێرشا رێکخراوا تیرۆرستیا داعشێ بۆ سەر ئاخا شنگالێ و دگەل رەڤاندنا بتر ژ شەش هزار کەسێن ئێزدی ل ئەوی دەمی ژمارەکا مەزن ژ کەس وکارێن مە ژی هاتنە گرتن و “رەنا”ژی د تەمەنێ 14سالیێ دە دگەل وان هاتە گرتن
خێزانا وێ کچێ دیارکر، ژ هێرشا رێکخراوا تیرۆرستیا داعشێ بسەر شنگالێ دە ژ مالباتا مە گەلەك کەفتن دەستێن وان تیرۆرستان و ژمارەکا وان ب چەندین رێکێن جوودا هاتینە رزگارکرن لێ هەتا نوهە 11کەسێن ب رەگەز نێر و ئێک ژی ب رەگەز مێ دناڤ دەستێن چارەنڤیسێ وان دیار نینە
خێزانا وێ کچێ ل دووماهیێ گۆت، ئەڤ کچا مە دوهی ژ باژێرێ “منبجێ” ل وەلاتێ سووریا هاتە رزگاکرن و نوهە رەوشا وێ گەلەک باشە و ئەو گەهشتیا مالا ئێزدیان ل هەرێما جزیری و ل دەما بهێت ئەم وەکو کەس وکارێن وێ دێ پێشوازیێ ل هاتنە وێکەن و د هەمان دەم دە
رزگاربوونا وێ ژبۆ مە دوو کێفخوەشی بوون کە د رۆژا کوشتنا سەرگردەیێ رێکخراوا تیرۆرستیا داعشێ دە “ئەبو بەکر ئەلبغدادی”
دە کچا مە هاتە رزگارکرن
