(چیرۆکا حاکمێ باژیر و وەزیرێ وی ) .
رۆژەکێ حاکمێ باژیرەکی گۆتا وەزیرێ خۆ رابا کارێ خۆ بکا ئەمێ ب جل وبەرکێت بابا دەروێشا چنە سەرەدانەکی لناڤ باژیر و دۆر پشتێ وی .
ھەردۆک رابوون جل وبەرکێت حاکم و وەزیرا دانان وجلکێت بەلنگازا ل خۆ کرن وبەرێ خۆ دانە ناڤ باژیر و دۆروبەرین وی .
ل تەرەفێ باژیر دیتن وێ ھا پیرەمێرەکا ( گالامێرەکا ) وی ئەردێ خۆ جوھتک دکا بەری خەلکێ ھەموێ .
حاکم بانی کرێ … تە قەوەتبێ مام .
مام … گۆتێ سەرسەرا وسەر چاڤا . وناس ناکا .
حاکم …گۆتێ مام چما تە ھلی نەچاند .
مام … واللە من ھلی چاند ڤرنی بوو .
وەزیر ل دلێ خۆدا گۆت یارەبی ھیش ڤی ئەردێ خۆ نەچاندیا وبەری خەلکێ جۆھتێ خۆ دکا چاوا دبیژێ ڤرنی بوو .
حاکم … گۆتێ مام ئە دورا ئە چاوانا .
مام … گۆتێ بخودێ نیزینک بویا .
حاکم … دیوانا چلۆنا .
مام … ئەژی بوینا بکتا .
حاکم … دێ مام تۆ ئەرزان نەفرۆشی .
مام … دێ لھیڤیا خوەدێ .
وەزیر چ ژناڤ ھەردۆکا فیھم نەکر .
حاکم گۆتا وەزیر ھلۆبا ئەم ڤەگەرینا مال .
…………………………………..
پشتی شەش ھەیڤا .
حاکم گۆتا وەزیر تە تێتە بیرا ئاخڤتنا من و وی جۆھتیارێ گالامێر .
وەزیر گۆتێ ئەرێ واللە تێتە بیرا من بەس من چ ژ وە فیھم نەکر .
حاکم گۆتا وەزیر … یان تی مەعنیا وێ ئاخڤتنێ ژمنرا ئینی یان ھەرا مالا خۆ وجاکا دی تۆ نابتە وەزیرێ من .
وەزیر حاجز بوو … وگۆت یارەبی ئەزێ چاوە ڤان مەعنیا ئینم .
وەزیر نزانێ ئەو کی جوھتیار بوو وناڤی وی ژی نزانی ومالا ویژی ناس ناکا .
وەزیر چوا با وی ئەردی ئەوێ جوھتیار ھنکێ جۆھت دکری وپرسیار کر … گۆت گەلۆ ئەف ئەردێ کێ یا .
گۆتنا وەزیر … ئەف ئەردێ فلان گەسی یا وناڤێ وی فلانا ومالا وی ل فلان دەرێ یا .
کێفا وەزیر ھاتێ وچوا مالا جوھتیار .
وەریز … گۆتێ چاوانی مام .
مام … سەر چاڤا .
وەزیر … مام تو من ناس دکی .
مام … ناواللە .
وەزیر … گۆتێ ئەز وەزیرم .
مام … سەر چاڤا .
وەزیر … مام تو زانی وەختێ ئەو ھەردوو بابا دەرۆێش ھاتینە با تە دەمێ تە جۆھتێ خۆ دکر ئەو ئەزو حاکم بوون .
مام … ناواللە .
وەزیر … مام لازما تو وان مەعنیا ئاخڤتنا خۆ وحاکم ژمنرا بیژی .
وەزیر … چ مەعنا بوو وەختێ حاکم گۆتی چما تە ھلی نەچاند وتە گۆت من ھلی چاند ڤرنی بوو .
مام … گۆتا وەزیر کا بەری دەھ زێرا ئەزێ مەعنێ دما تە .
وەزیر … مام مەعنیا پیڤەکێ ب دەھ زێرا چێنابێ .
مام … یا وەزیر تە نەدیت ھەڤالێ تە گۆتا من تو ئەرزان نەفرۆشی .
وەزیر … ئی مەجبورا دەھ زێر دانە مام .
مام … مەعنیا وێ حاکم گوھێ خۆ دامن ئەزی گالامێرم وئەز جۆھت دکم . ئەوی ژ خۆڤا گۆتا من چما توو زوو نەزەوجی دا زارۆکێت تە ڤی وەختی ژ بەدالی تە جۆھت کربانا . من گۆتێ ئەز زوو زەوجیم بەس خوەدێ دەرەنگ کوور دانە من .
وەزیر … مام ڤێجا چ مەعنیا ئە دوورا وتە گۆت نیزینک بویا .
مام … گۆتا وەزیر کا دەھ زێرا ئەزێ بیژم .
وەزیر … ئی مەجبورا دەھ زێری دیژی دانا مام .
مام … گۆتێ وەختێ ھەڤالێ تە گۆتیا من یا دوورا یا چاوا یا . مەعنیا وێ چاڤێت تە وشۆفا تە چاوا یا . من گۆتێ شۆفا من گێم دایا .
وەزیر … مام چ مەعنیا وەختێ گۆتیا تە دیوانا چاوا یا .
مام … کا دەھ زێرا ئەزێ بیژما تە .
وەزیر . دیسا ئی مەجبورا دەھ زێر ل دیژی دانێ .
مام … گۆتا وەزیر مەعنیا وێ ھەڤالێ تە گۆتا من دنانێ تە چاوانا . من گۆتێ گەلەگ ژی کەتینا یەعنی بوینا ب گتا .
وەزیر سیھ زێر حەقێ ھەرسێ مەعنیا دا مام وزڤریا سەر کارێ خۆ .
